GUMERSINDO
FEIJOO COSTA

Catedrático de Enxeñaría Química na Universidade de Santiago de Compostela (USC) desde o ano 2008 e membro da Real Academia Galega de Ciencias desde o ano 2026. Desenvolve a súa actividade investigadora no Centro Interdisciplinar de Tecnoloxías Ambientais - CRETUS, fundamentalmente relacionada coa aplicación dos conceptos de avaliación do ciclo de vida, pegadas ambientais e economía circula rao desenvolvemento de produtos e procesos. Esta actividade deu lugar á supervisión de 32 teses de doutoramento, cuxos egresados atopánse traballando en diversas empresas e institucións. O impacto da actividade investigadora reflictese en máis de 400 publicacións (cun índice h = 75 -base de datos Scopus-), recoñecido en diversos rankings de investigación como pertencer ao 2% dos científicos máis citados do mundo segundo o denominado "Ranking Stanford" ou o ranking de investigadores españois do CSIC. O impacto social da actividade de investigación pode definirse segundo varios indicadores: (a) 272 citas en 190 documentos de estratexia política ambiental da Comisión Europea e de 25 países (Alemaña, Arxentina, Australia, Canadá, EE.UU., España, Francia, Irlanda, Nova Zelanda, Países Baixos, Reino Unido); (b) 40 contratos de I+D+i con empresas públicas e privadas; (c) 7 patentes (1 en explotación, en EE.UU.), 1 marca de garantía de calidade (pescaenverde, en explotación) recoñecidas pola Oficina Española de Patentes e Marcas, a Oficina Europea de Marcas e a Axencia de Patentes de EE.UU.; (d) Un xogo de mesa sobre a sustentabilidade da alimentación en licenza de explotación por McGraw Hill Destaca a súa actividade divulgadora en medios de comunicación, faladoiros e conferencias en centros de ensino secundario e universitario, así como en foros organizados por diversas institucións sociais.