Avaliación agronómica e produtiva do trigo " Caaveiro " ecolóxico vs convencional
- Almeida-García, F. 1
- Roca-Fernández, A.I. 1
- Díaz-Hernández, M.B. 1
- Neira-Seijo, X.X. 1
- Omil-Ignacio, B. 2
- Ramos-Cabrer, A.M. 1
- Ruíz-Nogueiras, B. 1
- Pereira-Lorenzo, S. 1
- 1 Universidade de Santiago de Compostela. Departamento de Produción Vexetal e Proxectos de Enxeñaría
- 2 Universidade de Santiago de Compostela. Departamento de Produción Vexetal e Proxectos de Edafoloxía e Química Agrícola
- Mª Ángeles Romero Rodríguez (coord.)
- Santiago Pereira Lorenzo (coord.)
Editorial: Instituto de Biodiversidade Agraria e Desenvolvimento Rural (IBADER) ; Universidad de Santiago de Compostela
Ano de publicación: 2022
Páxinas: 34-52
Tipo: Capítulo de libro
Resumo
A produción do Pan Galego demanda o incremento da produción de trigo autóctono na comunidade, e o seu manexo en condicións ecolóxicas é un dos aspectos básicos na economía circular con baixos insumos. A ampla diversidade de ecotipos galegos e a súa conservación en Galicia permitiu dispoñer dunha base xenética diferenciada, local e adaptada ao medio. O manexo do cultivo en condicións ecolóxicas é un reto, no que a experiencia e a tecnoloxía deben garantir a rendibilidade ante as maiores dificultades para manter o rendemento sen os aportes dos fertilizantes de síntese e co control fitosanitario limitado aos produtos autorizados. Para levar a cabo a avaliación agronómica e produtiva do trigo ‘Caaveiro’ ecolóxico vs. convencional, estableceuse unha parcela de ensaio en Carral (A Coruña). O deseño da parcela seguiu un deseño en bloques ao azar con 4 repeticións. Sementouse trigo ‘Caaveiro’, tremoceiro e espelta, seguindo prácticas ecolóxicas e convencionais, previo análise do solo para definir o abonado previo. Os resultados amosaron que a produción en ecolóxico foi un 30% inferior á do manexo en convencional debido, principalmente, á dificultade para o control das malas herbas e a limitación das restricións ás aplicacións de fertilizantes e fitosanitarios.