Siderophores from pathogenic bacteria and bioactive peptides for the development of new antimicrobial andantitumor strategies

  1. Ageitos, Lucía
Dirixida por:
  1. Carlos Jiménez Director
  2. Jaime Rodríguez Co-director

Universidade de defensa: Universidade da Coruña

Fecha de defensa: 02 de febreiro de 2024

Tribunal:
  1. José Fernando Reyes Benítez Presidente/a
  2. Emilio Quiñoá Cabana Secretario
  3. Inmaculada Vaca Cerezo Vogal

Tipo: Tese

DIALNET lock_openRUC editor

Resumo

Actualmente, o deseño e desenvolvemento de novos tratamentos eficientes contra o cancro e a resistencia antimicrobiana é un dos maiores retos científicos.Neste contexto, esta tese doutoral pretende afondar e sentar as bases para o desenvolvemento de novas estratexias antimicrobianas e antitumorais baseadas nos mecanismos de captación de ferro (III) empregados por bacterias patóxenas, eo deseño racional de novos péptidos bioactivos. O capítulo 1 comeza cunha discusión sobre a importancia dos mecanismos decaptación de ferro mediados por sideróforos nas bacterias patóxenas, afondando na relevancia destes mecanismos no desenvolvemento de novas estratexias antimicrobianas. A continuación, descríbense detalladamente catro estudios enfocados no illamento e identificación dos sideróforos, así como os xenes involucrados no seu emprego, de bacterias patóxenas críticas en humanos (Acinetobacter baumannii) e en peces de acuicultura (Vibrio neptunius, Tenacibaculum maritimum y Vibrio anguillarum). Estes estudos permitiron obter unha visión máis completa dos factores de virulencia de ditas bacterias e resultou na descrición de novas posibles dianas terapéuticas. O capítulo 2 comeza cunha introdución sobre as características dos péptidos antimicrobianos e péptidos penetrantes en células, e exponse o seu interese para o desenvolvemento de novas terapias antimicrobianas e antitumorais. A continuación, descríbense dous proxectos de investigación, levados a cabo durante unha estadía na Universidade de Pensilvania (UPenn), centrados no deseño racional e avaliación biolóxica de novos péptidos baseados en modelos atopados en distintos velenos. Por último, discútese un estudio levado a cabo en colaboración coa Universiti Teknologi MARA (Malasia) no que se modifica un péptidos activo para aumentar a súa capacidade para permeabilizar a membrana de células canceríxenas e introducir compostos activos mediante unha estratexia cabalo de Troia.