La ileostomía de protección en el cáncer colorrectal

Resumo

O cancro colorrectal é un dos tumores máis frecuentes e unha das principais causas de mortalidade a nivel mundial. A complicación máis temida da cirurxía de cancro de recto é a dehiscencia anastomótica, que presenta unha alta morbilidade e mortalidade. Non só representa unha complicación postoperatoria, senón que tamén afecta negativamente a recorrencia e a supervivencia a longo prazo. Os estomas de derivación empregáronse para previr complicacións secundarias á dehiscencia, que provocan un impacto na calidade de vida dos pacientes, así como na morbilidade e mortalidade asociadas tanto ao propio estoma como á intervención de reconstrución do tránsito. Con esta Tese Doutoral realizada nunha poboación con cancro de recto e sometida a unha resección anterior con ileostomía protectora, avaliamos: morbilidade relacionada co estoma, morbilidade da reconstrución do tránsito e factores relacionados (idade, sexo, ASA, tratamento neoadxuvante e adxuvante, tempo ata a reconstrución do tránsito). Cos resultados obtidos, e coa evidencia científica, podemos afirmar que a ileostomía de protección minimiza as consecuencias da dehiscencia da anastomose colorrectal baixa ou coloanal e diminúe a necesidade de reoperación, aínda que a morbilidade é do 30%, sendo grave no 2% dos casos. A cirurxía de reconstrución do tránsito non debe considerarse unha intervención menor e ten unha alta morbilidade asociada, aínda que a mortalidade é baixa.