As cláusulas de emprego e condicions de traballo na contratación pública no dereito da Unión Europea"
ISSN: 1887-0279, 1887-0287
Ano de publicación: 2015
Volume: 10
Número: 2
Páxinas: 31-48
Tipo: Artigo
Outras publicacións en: Administración & cidadanía: revista da Escola Galega de Administración Pública
Resumo
O ordenamento da Unión Europea, paulatinamente, foi admitindo a presenza de cláusulas de contido socio-laboral na contratación pública. A evolución histórica da normativa pon de manifesto que foi un proceso longo e lento, pero a nova Directiva 2014/18/UE semella augurar a consolidación desta situación. A xurisprudencia do Tribunal de Xustiza foi, pola súa parte, bastante errática. Nun primeiro momento admitiu, sen apoio normativo ningún, a presenza destas cláusulas no tráfico xurídico público. A continuación, coas emblemáticas sentenzas Rüffert e Bundesdruckerei, as tornas cambiaron completamente, ao impor taxativamente o respecto das liberdades mercantís. A moi recente sentenza Regiopost, en cambio, apostou firmemente pola admisibilidade de cláusulas sobre salario mínimo.