Departamento: Departamento de Química Analítica, Nutrición e Bromatoloxía

Facultad: Facultade de Química

Instituto: Instituto de Investigación do Medio Acuático para unha Saúde Global (iARCUS)

Universidad: Universidade de Santiago de Compostela

Área: Química Analítica

Grupo de investigación: ChromChem Cromatografía e Quimiometría

Correo: jb.quintana@usc.es

Teléfono: +34881814263

Doutor pola Universidade de Santiago de Compostela coa tese Desenrolo de metodoloxías analíticas para a determinación de contaminantes bioactivos en augas mediante técnicas cromatográficas acopladas a espectrometría de masas 2004. Dirixida por Dra. Rosa Antonia Lorenzo Ferreira, Dra. Antonia María Carro Díaz.

José Benito Quintana obtivo o seu doutoramento en Química en 2004 pola Universidade de Santiago de Compostela (USC). Posteriormente, realizou unha estancia posdoutoral na Universidade Técnica de Berlín (2004-2005) ata novembro de 2005, cando acadou un contrato posdoutoral competitivo (I. Parga Pondal, programa da Xunta de Galicia similar ao Ramón y Cajal) na Universidade da Coruña. En marzo de 2008 regresou á USC cunha posición de investigador sénior (Ramón y Cajal, seleccionado n.º 2 na área de Química ese ano) ata marzo de 2013, cando foi estabilizado como Profesor Contratado Doutor (ata maio de 2021), logo Profesor Titular e, finalmente, Catedrático de Universidade en novembro de 2024. Publicou máis de 160 artigos en revistas indexadas e diversos capítulos de libros (>10), principalmente nos eidos da química analítica e ambiental, forense e abuso de substancias. Segundo os datos de SCOPUS, posúe un índice h de 58 e unha taxa media de citación de máis de 60 citas por publicación (33 dos seus artigos contan con 100 ou máis citas), destacando en diversos rankings, como o de Stanford dos investigadores "top-2%" segundo o seu impacto investigador. Liderou numerosos proxectos nacionais e internacionais. Por exemplo, foi o IP español no proxecto Water JPI PROMOTE e IP do proxecto INTERREG-POCTEP NOR-Water (finalizado en abril de 2022). Tamén foi co-IP do proxecto financiado pola AEI AQUASOMIC (ata febreiro de 2026), que investigou a exposición ambiental e humana a contaminantes de preocupación emerxente (CECs) e drogas mediante o desenvolvemento de métodos específicos para a análise de augas residuais. Tamén coordinou o proxecto NePMTune (finalizado en agosto de 2025), centrado no estudo de substancias químicas persistentes e móbiles no medio acuático español. No ámbito da epidemioloxía baseada en augas residuais, foi o representante español na rede SCORE durante o seu período financiado por COST e, desde setembro de 2023, é membro do seu equipo de xestión. Ademais, coordina a rede española ESAR-Net. Conta con financiamento do Plan Nacional sobre Drogas (PNSD) e da AEI para o estudo das augas residuais como indicador de consumo de substancias. Desde xaneiro de 2022, participa na rede RIAPAd (financiada polo ISCIII), liderando o paquete de traballo dedicado a investigar a prevalencia do consumo de drogas. Desde novembro de 2023, é tamén o IP na USC do macroproxecto europeo EU-WISH (dotado con máis de 10 M€), dedicado a harmonizar a análise de augas residuais en Europa. Supervisou 9 teses doutorais e a uns 40 investigadores na última década. Presidiu o congreso ISEAC-40 en Santiago de Compostela (2018) e forma parte do consello editorial das revistas TrEAC e STOTEN (Elsevier). Así mesmo, foi membro do panel de proxectos de química da Research Foundation – Flanders (FWO) para o período 2023-2025. Actualmente, é o Secretario do Instituto de Investigación do Medio Acuático para Unha Saúde Global (iARCUS) da USC.