NECeA

Grupo de Investigación en Neurociencia Cognitiva e Afectiva.

Detalle Liñas de investigación Oferta científica Financiamento Publicacións Colaboración Teses

Constituído o 14 de marzo de 2000

Departamento: Departamento de Psicoloxía Clínica e Psicobioloxía

Instituto: Instituto de Psicoloxía (IPsiUS)

O grupo de Neurociencia Cognitiva e Afectiva da Universidade de Santiago de Compostela (USC), coordinado actualmente por Socorro (Coqui) Rodríguez Holguín, desenvolve a súa actividade no marco do Instituto de Psicoloxía da USC (IPsiUS). Conta con membros do Departamento de Psicoloxía Clínica e Psicobioloxía, o Departamento de Psicoloxía Evolutiva e da Educación, e o Departamento de Psicoloxía Social, Básica e Metodoloxía. Interésase polas bases neurais dos procesos cognitivos e afectivos en poboación normal e de alto risco a condicións psicopatolóxicas, coa intención última de transferir coñecemento ao ámbito sanitario. Na actualidade, as súas principais liñas de investigación oriéntanse ao estudo dos efectos do consumo de alcohol en mozos e mozas; á caracterización do avellentamento neurocognitivo en poboación sa, a vulnerabilidade cognitiva á depresión e o estudo da interacción entre procesos cognitivos e afectivos. O funcionamento neurocognitivo investígase desde diferentes niveis de análise, mediante o rexistro da actividade eléctrica cerebral (EEG/PE), imaxe por resonancia magnética (IRMf) e a avaliación neuropsicolóxica. Ocasionalmente, tamén utilizamos outras técnicas, como o seguimento de movementos oculares ou a MEG (grazas á colaboración con outros laboratorios) a MEG.

Tamén forma parte da agrupación de Neurociencia Cognitiva dentro da área de Neurociencias do Instituto de Investigación Sanitaria de Santiago de Compostela (IDIS).