Análise e diagnose do estado actual dos conxuntos históricos no Camiño Francés en Galicia. Unha proposta de planificación urbanística supramunicipal

Resumo

Abórdase a análise e diagnose do estado de conservación do legado patrimonial tanto cultural como arquitectónico ao longo da rexión histórica que conforma o Camiño Francés en Galicia, así como o modo no que os instrumentos de planificación territorial e urbanística, xeral ou o desenvolvemento das distintas divisións administrativas polas que discorre o primeiro itinerario cultural europeo, contribúen á súa recuperación, rehabilitación, conservación, e finalmente, á súa transmisión. Esta rexión non só posúe importantes centros históricos, senón tamén núcleos tradicionais menos coñecidos, recoñecidos e polo tanto protexidos en comparación coa enorme dimensión do centro histórico de Santiago de Compostela, quizais non comparable cos anteriores debido ao carácter eminentemente rural destes últimos, condicionados por diferentes sinerxías, pero que forman parte dunha rexión que ben merece unha planificación urbanística supramunicipal que o trate como un conxunto, coa mirada posta nos futuros conxuntos históricos e unha correcta mestura da arquitectura histórica e contemporánea.