O tratamento mediático da crise económicaumha legitimaçom da resposta política neoliberal? Análise de El País e La Voz de Galicia (2008-2015)
- Ríos Rodríguez, Raúl
- Edelmiro López Iglesias Director
- Lois Álvarez Pousa Co-director
Universidade de defensa: Universidade de Santiago de Compostela
Fecha de defensa: 19 de xullo de 2019
- Ángel Arrese Reca Presidente/a
- Rosa María Verdugo Matés Secretaria
- Gil Antonio Baptista Ferreira Vogal
Tipo: Tese
Resumo
A crise económica iniciada em 2008 marca o fim do forte processo de crescimento registado nas décadas precedentes, em particular no período 1995-2007, em toda Europa e também em Espanha. A resposta política que se lhe deu à crise, concretada nas políticas de austeridade e nas reformas estruturais, senta as bases dum novo modelo económico e social caraterizado por um aumento das desigualdades e um empioramento das condiçons de vida da maioria da populaçom. Apesar do mal-estar geral e dos protestos existentes, este tipo de resposta à crise foi assumida pola imensa maioria da cidadania. Esta tese trata sobre o papel exercido polos meios de comunicaçom, entendidos como um dos principais agentes construtores da realidade social e produtores e reprodutores de ideologias, na legitimaçom da resposta política neoliberal à crise económica de 2008 em Espanha e em particular na Galiza. A investigaçom realizou-se mediante umha análise qualitativa e quantitativa, assente na base teórica do framing e conduzida metodologicamente através da Análise de Conteúdos, dumha amostra representativa de textos jornalísticos publicados por El País e La Voz de Galicia sobre a crise e sobre temas e acontecimentos específicos ligados a esta. Os resultados obtidos conduzem a concluir que o tratamento mediático da crise económica estivo caraterizado por umha falta de pluralidade nas interpretaçons e opinions oferecidas, sendo a resposta política neoliberal legitimada ao ser apresentada como a única alternativa possível.