Mulleres e físicadesmontando tópicos

Resumo

Hai falsos tópicos que se empregan para xustificar a escasa representación de mulleres en ciencias e enxeñerías, entre eles a falla de tradición e incluso a menor aptitude coma suxeriu en 2005 o Reitor da Universidade de Harvard, que tivo que dimitir trala polémica orixinada pola súas palabras. E dentro das ciencias, a Física parece ser a menos permeable á incorporación de mulleres ou polo menos así o reflexa o último diagnóstico sobre a igualdade na USC. Nos últimos anos e grazas á influencia do feminismo as científicas recuperamos as pioneiras, as nosas referentes rachando coa idea de que non temos capacidade ou tradición. Ao mesmo tempo na nosa sociedade se produciron importantes cambios en favor da igualdade. Sen embargo e a pesares destes avances, por un lado aínda perviven na nosa sociedade estereotipos que desaniman as mulleres a seguir estudos científicos e por outro as súas oportunidades profesionais e académicas no campo científico continúan a ser inferiores as dos homes. Por elo, necesitamos máis medidas correctoras dos desequilibrios e un maior esforzo para introducir a perspectiva de xénero na docencia.