Concentración e grupos mediáticos nos mercados de España e Portugal

Resumo

A estructura da comunicación en Portugal e España diverxe tanto no tamaño do mercado coma na propia dinámica da súa organización. No plano institucional o panorama luso presenta unha organización regulamentada que non ten parangón legal en España. No ámbito privado, sen embargo, a dinámica da concentración é unha tendencia emerxente constante en ambos mercados. Mentras no panorama e nos modelos de ámbito nacional a conformación de grupos de comunicación multimedios é unha tendencia evidente, nos mercados locais (Galicia, Norte de Portugal e outras rexións) a fragmentación e a diversidade de cabeceiras, medios e empresas ainda resiste fronte á forza da concentración. O mercado dos media representa en ambos casos arredor do 1 por cento do Producto Interior Bruto nacional, cun forte proceso de reestructuración nos últimos anos, arredor de cinco grupos de comunicación lusos e unha ducia deles en España, con 40 cabeceiras xornalísticas no primeiro caso e 136 no segundo, con ratios de circulación ascendente en Portugal e nivel español de lectura estancada nos últimos anos.