Portal da
Investigación
Investigar na USC
A USC sitúase nun lugar destacado na clasificación de produtividade da investigación das universidades españolas e europeas e ten unha posición relevante na valoración doutros indicadores como a captación de fondos para proxectos de I+D e de axudas FPI ou FPU, o número de artigos indexados no JCR ou as teses de doutoramento lidas.
A USC conta así mesmo cunha ampla rede de infraestruturas de apoio á investigación con persoal altamente cualificado que dá soporte científico-tecnolóxico a investigadores/as, grupos, centros e departamentos.
7.807
Proxectos
A secretaria xeral de Investigación presentou na USC o PERTE para a Saúde de Vangarda
Estes Proxectos Estratéxicos para a Recuperación e Transformación Económica mobilizarán máis de 1.469 millóns de euros. Yotti destacou a potencial de Galicia para participar na transformación do Sistema Nacional de Saúde
Luns, 23 de maio de 2022
Un equipo da USC deseña unha nova estratexia inmuno-terapéutica na loita contra o cancro
O estudo liderado dende o CiQUS demostra que o bloqueo de receptores A2B de adenosina permite reactivar o sistema inmunitario devolvéndolle a súa efectividade na loita fronte a tumores
Luns, 23 de maio de 2022
O proxecto ‘Nós’ ábrese á cidadanía
Universidades, empresas, administracións e público en xeral participaron nun foro que serviu para abordar a orixe, estado actual e futuro desta iniciativa coa que USC e Xunta de Galicia queren acadar a total inclusión do galego no mundo dixital e tecnolóxico
Luns, 23 de maio de 2022
O proxecto PAINLESS testará a estimulación eléctrica transcranial para paliar a dor oncolóxica
Buscar alternativas ao tradicional tratamento farmacolóxico a través de técnicas baseadas na neuromodulación e definir patróns que permitan anticiparse á aparición da dor son os eixos sobre os que pivota o traballo deste consorcio internacional liderado pola USC e dotado con preto de seis millóns de euros
Venres, 20 de maio de 2022
'Petiscos de ciencia' premia vídeos sobre fotoluminiscencia e química de María Celeiro, Aly Castillo e Laura Rubio
O concurso universitario de vídeos sobre ciencia en galego convocado pola Comisión de Normalización Lingüística da Facultade de Ciencias da USC tamén distingue con 500 e 250 euros respectivamente, as propostas audiovisuais presentadas por estudantes de Bacharelato e ESO no IES Adormideras, de A Coruña, e no IES Xelmírez, de Santiago
Venres, 20 de maio de 2022
Aberta a convocatoria da décimo terceira edición dos Premios á introdución da perspectiva de xénero da USC
Contempla dúas modalidades, a de experiencias docentes que inclúan a perspectiva de xénero así como para investigacións neste ámbito, e poderán presentarse propostas ata o 17 de xuño
Venres, 20 de maio de 2022
Preto dun cento de participantes dunha vintena de países danse cita na USC para abordar os segredos da Vía Láctea
A profesora Josefina F. Ling coordina o comité organizador deste foro que se desenvolverá na Facultade de Óptica e Optometría entre o 23 e o 25 de maio e que servirá de marco para debater os progresos do proxecto MW-Gaia COST que proporciona “unha mellor comprensión da nosa galaxia”
Venres, 20 de maio de 2022
José Tubío recolleu o Premio a Talentos Emerxentes en Investigación Oncolóxica Ramiro Carregal
Dende 2016, este investigador da USC dirixe o grupo Xenomas e enfermidade do CiMUS integrado por unha vintena de investigadores e investigadoras
Venres, 20 de maio de 2022
O novo regulamento europeo sobre fertilizantes esperta “inquedanzas”, constata un foro da SECH en Lugo
A Sociedade Española de Ciencias Hortícolas reúne na EPS de Enxeñaría do Campus Terra da USC investigadores españois e iberoamericanos, ademais de representantes de empresas e asociacións de produtores, nunha foro sobre fertilización, substratos, amorodos e outros froitos vermellos
Xoves, 19 de maio de 2022
Cambio climático e relevo xeracional obstaculizan a resiliencia do marisqueo en Galicia
Unha investigación desenvolvida polas tres universidades galegas estuda os riscos de vulnerabilidade socioeconómica neste eido a través de 250 entrevistas a profesionais do sector
Xoves, 19 de maio de 2022